Осиё футбол конфедерацияси шу йилнинг 24 август куни Осиё чемпионлар лигасининг чорак финал босқичида бўлиб ўтган "Ал-Жаиш" (Қатар) ва "Ан-Наср" (БАА) жамоалари ўртасидаги учрашув (0:3) натижасини бекор қилди.

Боиси, ушбу ўйинда "Ан-Наср" сафида майдонга тушган футболчи — Сантос Монтейро Жуниор Вандерлейга Индонезия мамлакатидан берилган паспорт сохта бўлиб чиқди. ОФК тартиб-интизом қўмитаси тақдим этилган турли ҳужжатларни ўрганиб чиқиб, футболчини ОЧЛда иштирок этиш ҳуқуқига эга эмас деб топди. Вандерлей ОФК тартиб-интизом қўмитасининг 2 сентябрдаги қарори бўйича вақтинчалик мусобақадан четлатилди. Ҳужжатларни сохталаштириш бўйича суриштирув ишлари давом эттирилмоқда. ОФК кейинроқ бу ҳақда қўшимча маълумот беради.

Чорак финалнинг дастлабки ўйинида "Ан-Наср"га 0:3 ҳисобидаги мағлубият ёзилди ва клуб 1000 доллар миқдорида жаримага тортилди.

Эслатиб ўтамиз, "Ал-Жаиш" сафида ўзбекистонлик футболчи Сардор Рашидов фаолият олиб бормоқда. Қатарликлар жавоб ўйинида ўзларига керакли натижани қўлга киритсалар, ярим финалда "Локомотив" - "Ал-Айн" жуфтлиги ғолибига қарши майдонга тушадилар.