"Барселона" клубининг собиқ футболчиси Хавининг отаси Хоакин Эрнандес "Реал" ҳужумчиси Криштиану Роналду томонидан ўғли шаънига айтилган фикрларга ўз муносабатини билдириб ўтди.
Ўз навбатида, Хави аввалроқ, жаҳоннинг энг яхши футболчиси билан бир вақтда ўйнаётгани учун Роналдунинг омади келмаган, дея айтиб ўтганди. Хави "кўк-анорранглилар" ҳужумчиси Лионель Мессини назарда тутганди. Шундан сўнг Криштиану фаолияти давомида учта "Олтин тўп"ни қўлга киритганини эслатиб, Хави ҳозирда Қатар чемпионатида ўйнаётганини таъкидлади.
«Роналдунинг сўзлари мен учун ҳеч қандай аҳамиятга эга эмас. Бу сўзлар Хави учун ҳам аҳамият касб этмайди ва у Роналдуга жавоб қайтармайди. Унинг тажрибаси катта ва бу фикрлар қаердан чиқаётганини у билиши керак. Ўйлайманки, Хави Роналдунинг сўзларига аҳамият қаратмайди», - дейди Хоакин Эрнандес.













