2012 йилги Лондон Паралимпиадаси чемпиони, Риодаги Паралимпия ўйинларининг кумуш медалини қўлга киритган бельгиялик аравачалар пойгаси устаси Марике Верворт Ўйинлардан сўнг ҳаётига нуқта қўйиш фикридан қайтди. Бу ҳақда, BBC’га асосланиб, «РИА Новости» хабар бермоқда.
Илгарироқ давосиз дардга чалинган аёл Ўйинлардан сўнг эвтаназия қилишни режалаштиргани айтилган эди.
Бразилияда Верворт кумуш медални қўлга киритди ва карьерасига якун ясади.
«Мен ҳар бир лаҳзадан лаззат олишга уринмоқдаман. Вақти келганда, ёмон кунлар сони яхшиларидан ортиб кетганда эвтаназия ҳақидаги ҳужжатларим тайёр бўлади. Лекин бу вақт ҳали келмади», — деди аёл.
Вервортнинг ватани Бельгияда эвтаназия қонуний ҳисобланади — бунинг учун уч нафар шифокордан розилик олиш зарур.
