Кеча Россиянинг Братск шаҳрида, «Ҳамдўстлик кубоги-2016» мусобақаси финалида Ўзбекистон ва Тожикистон ўсмирлар терма жамоаси оммавий муштлашувда иштирок этгани ҳақида хабарлар чиққан эди.
Бугун маълум бўлишича, бу мусобақада Ўзбекистон ҳам, Тожикистон ҳам ҳеч қандай терма жамоани жўнатмаган. Хусусан, Ўзбекистон ўсмирлар терма жамоаси айни пайтда Ҳиндистонда Осиё чемпионатига тайёргарлик олиб бормоқда.
Братск шаҳрида эса маҳаллий ўзбек ва тожик оилаларининг фарзандларидан ташкил этилган ўзбеклар ва тожиклар жамоаси иштирок этган. Уларни Ўзбекистон ва Тожикистон терма жамоасига ҳеч қандай алоқаси йўқ.
