Бугун Ўзбекистон биринчилиги 26-тур доирасидаги “Насаф-2“ – “Хотира-79” жамоалари ўратсидаги учрашув бўлиб ўтди.
Учрашувга старт берилгандан майдон эгалари олдинга ўтишди. Дастлаб уюштирилган ҳужумлар самара бермади. Аммо кейинги юзага келган қўлай вазиятларда жамоамиздан омад юз ўгирди. Ҳужумчиларимизнинг дарвозага йўллаган зарбаларига баъзан дарвоза устини тўғаноқ бўлган бўлса, баъзи вазиятларда дарвозабон ва ҳимоячилар яхши ўйин намойиш этишди.
Меҳмонларнинг дастлабки уюштирган ҳужуми гол билан якунланди. 11-дақиқада Соҳиббой Абдуллаев ўз жамоасини ҳисобда олдинга олиб чиқди – 0:1.
Бу голдан сўнг футболчиларимиз бор эътиборини ҳисобга тенглаштиришга қаратди ва 28-дақиқага келиб улар ўз мақсадларига эришдилар. Самандар Шукруллаев гол киритиб, орадаги ҳисобни тенглаштирди – 1:1.
Аммо “Хотира-79” жамоасининг яна бир уюштирган ҳужуми гол билан якунланди. Бу 38-дақиқада содир бўлди. Ушбу голни Фарҳод Шокиров киритди – 1:2.
Биринчи бўлим ана шу ҳисобда якунига етди.
Иккинчи бўлимда ҳам “Насаф-2” футболчилари ўйин борасида рақибларига нисбатан устунликни ушлаб туришди. Уларнинг кўплаб ҳужумларида дарвозани аниқ нишонга оладиган ўйинчимиз топилмади. Бу ўйинда омад рақиблар томонида бўлди. Уларнинг ҳар бир уюштирган ҳужуми гол билан якунланаверди. Улар яна 62 ва 71-дақиқаларда икки марта гол киритишга эришдилар. Бугун Соҳиббой Абдуллаев учта голга муаллифлик қилиб, ўз номига хет-трикни қайд қилдириб қўйди.
Қолган дақиқаларда ҳам майдонда муросасиз кураш давом этди. Афсуски Нурали Султонов шогирдлари меҳмонлар дарвозасига бошқа йўл топа олишмади. Шундай қилиб, “Насаф-2” жамоамиз бу турда йирик 4:1 ҳисобидаги мағлубиятни қабул қилиб олди.
“Насаф-2” жамоамиз навбатдаги тур учрашувини сафарда Жиззахнинг “Зомин” жамоасига қарши ўтказади. Учрашув 22 сентябр куни бўлиб ўтади.
Ўзбекистон биринчилиги, 26-тур
“Насаф-2” (Қарши) - “Хотира-79” (Уйчи) 1:3 (1:2)
14.09.2016. “Насаф” ФМ майдони. Соат 17:00да
Бош ҳакам: Бахтиёр Юльчараев (Гулистон)
Ёрдамчи ҳакамлар: Дилшод Жуманиёзов (Хива), Ойбек Умаров (Таш.вил.)
Захира ҳаками: Фирдавс Норсафаров (Қарши)
Назоратчи: С.М.Зайлобиддинов (Фарғона).
Голлар: Самандар Шукруллаев, 28’-1:1 - Соҳиббой Абдуллаев, 11’-0:1, 62’-1:3, 71’-1:4, Фарҳод Шокиров, 38’-1:2.
“Насаф-2”: 1.Жавоҳир Комилов (с), 5.Ботиржон Тўраев, 8.Худоёрхон Сагдуллаев, 9.Шамсиддин Сагдуллаев (16.Зийнатилло Икромжонов 66), 10.Сирожиддин Еттибоев(24.Шохруҳ Cафаров 77), 17.Достонбек Бердиқулов (28.Шахбоз Эркинов 73), 19.Жавоҳир Ашуров, 20.Дилшод Саитов, 27.Ойбек Бозоров (33.Шохруҳ Неъматов 85), 34.Наврўз Изатиллаев, 42.Самандар Шукруллаев.
Захира: 21.Элшод Қодиров, 22.Элбек Отақулов, 32.Жўрабек Маннонов.
“Хотира-79”: 77.Сардор Шаропов, 6.Алвеш Муродуллаев, 7.Муҳаммаджон Расулов, 8.Исроилжон Эргашев (4.Элдор Машрабов 88), 9.Соҳиббой Абдуллаев, 10.Фарҳод Шокиров, 11.Омонулахон Мирзаев (2.Абдулазизхон Ибрагимжонов 90+2), 13.Раҳмонжон Ўринов, 14.Ботирбек Тўрабоев, 17.Шуҳрат Ҳамидов, 21.Фозилбек Деҳқонов.
Захира: 12.Муҳаммаджон Ҳамроқулов, 18.Бобур Тўраев, 19.Абдулазизхон Абдулҳамидов.
