ФИФА президенти Жанни Инфантино ва France Football журнали раҳбарияти бир неча ой давомида «Олтин тўп» соврини борасида музокара олиб боришди.
Катта эҳтимол билан бу совринни топшириш яна France Football нашри зиммасига юкланиши мумкин. ФИФА эса фақат FIFA World Player — дунёнинг энг яхши футболчисини аниқлайди.
Эслатиб ўтамиз, France Football 1956 йилда «Олтин тўп» совринини жорий қилган, 2010 йилда эса Amaury Group компанияси уни топшириш ҳуқуқини ФИФА ташкилотига 16 миллион еврога сотганди. 2010 йилдан бошлаб «Олтин тўп» соҳибини ФИФА аниқлаб келаётганди.
FIFA World Player соврини эса 1988 йилдан буён мавжуд.