Юрак хасталиги билан оғриган ҳамда хайрия футбол тадбиридан тушган пуллар эвазига Ҳиндистонда даволаниб қайтган болакай Ҳасанжон Эргашев отаси билан "Локомотив" ПФК стадионига ташриф буюриб, барчани ўзининг суннат тўйига айтиб кетди.
Отасининг айтишича, ўғлининг саломатлиги жойида ва бунинг учун хайрия тадбири ташкил қилган барча-барчага ўз миннатдорчилигини билдирди. "24 сентябрь куни ўғлимнинг суннат тўйини қиляпмиз, шу боис "Локомотив" вакилларини ҳам тўйга айтгани келдим", - дейди Ҳасанжоннинг дадаси.
Стадионга дадаси ва укаси билан келган Ҳасанжон тўйга таклифномани "Локомотив" сардори Тимур Кападзега берди ва ҳамма биргаликда эсдалик учун суратга тушишди.
