«Манчестер Юнайтед» клубининг собиқ юлдузи Пол Скоулз яримҳимоячи Поль Погбанинг ўйини ҳақида ўз фикрларини баён қилди.
«Фейеноорд» (0:1) клубига қарши беллашувда Погба яхши ўйин намойиш этолмади. Мен уни қайси нуқтада ўйнаётганини тушунмадим. У ҳамма жойда бўлишга, 3-4 футболчини алдаб ўтишга уринди. Погба шу иш учун харид қилинмаганди, ахир у беш футболчини алдаб ўтиб, дарвозанинг тўққизлигини нишонга оладиган Месси эмас. Погба – тўпни ушлаб турувчи ва керакли жойга етказиб берувчи кучли футболчи» - деди Скоулз BT Sport хабарида.