Бугун ўсмирлар ўртасидаги Осиё чемпионати "D" гуруҳидан ўрин олган жамоалар бош мураббийлари иштирокида матбуот анжумани бўлиб ўтди. Унда иштирок этган Ўзбекистон ўсмирлар терма жамоаси бош мураббийи Темур Олимхўжаев, бўлажак мусобақа ва гуруҳдаги рақиблар ҳақидаги фикрлари билан ўртоқлашди.

“Ушбу нуфузли мусобақада кучсиз жамоанинг ўзи йўқ. Саралаш босқичида муносиб қатнашиб, ғолиб бўлган жамоалар бу ерга ташриф буюрган”, - дейди Темур Олимхўжаев.

“Гуруҳимиздаги барча рақиблар - ҳурматга сазовор. Умид қиламанки ушбу мусобақада Осиёнинг бўлажак футбол юлдузларини кашф қиламиз”.

“Ўзбекистон ушбу мусобақага тайёр. Жамоа таркибида жароҳатланганлар йўқ. Биринчи рақибимиз - Таиланд. Мен мураббийлик фаолиятим давомида кўп бора ушбу юрт жамоалари билан тўқнаш келганман. Ушбу давлатда сўргги йилларда футбол анча ривожланди ва ҳамон ривожланиб бормоқда. Таиландга қарши ўйинда ижобий натижадан ташқари чиройли ўйин билан мухлисларни хурсанд қилмоқчимиз”, - дейди Темур Олимхўжаев.