“Машъал” ўз уйида “Сўғдиёна” қаршилигини енга олмади - 1:1. Учрашувдан сўнг ташкил этилган матбуот анжуманида жиззахликлар устози қуйидагиларни таъкидлади.

- Учрашувда ҳар икки жамоа ҳам ғалаба учун майдонга чиққан эди. Биз ҳам бу матчга қаттиқ тайёргарлик кўрган эдик. Лекин оддий вазиятда хатога йўл қўйилди ва натижада ҳисобда ортда бордик. Якунда эса ҳисобни тенглаштиришни уддаладик. Умуман олганда, ўйин дурангга мос бўлди.

Ўйиндан олдин ҳам айтгандим. Учрашув 90 дақиқа давом этади. Ўйиннинг охирига қадар – ҳакам хуштак чалгунича давом этади. Шу сабабли шогирдларимга хуштак чалингунича курашни давом эттириш лозимлигини айтгандим.

Олдинда 8 та тур ўйинлари қолмоқда. Умид қиламизки, қолган ўйинларда ғалабалар қозониб ишқибозларимизни хурсанд этамиз, - дейди тажрибали мутахассис.