«Интер» спорт директори Пьеро Аузилио жамоа бош мураббийи Франк де Бур ҳақида ўз фикрларини баён қилди.

«Де Бурнинг ишдан бўшатилиши? Қаттиқ оҳангда жавоб беришим мумкин, лекин бу аҳлоқсизлик бўларди.

Бу гаплар сафсата. Ҳозир камроқ гапириб, кўпроқ ишлашимиз даркор.

Де Бур яқиндагина ишга киришди, ҳали ўз маҳоратини тўлиқ намоён қилишга улгурмади. Қисқа вақт ичида ниманидир қуриш мушкул. Сабр қилиш лозим» - деди Аузилио.

Аввалроқ, «Интер» якшанба кунги ўйинда «Ювентус»га мағлуб бўлса, бош мураббий истеъфога чиқарилиши мумкинлиги ҳақида хабарлар чиққан эди.