Германия чемпионатининг 2-тури якунига кўра қизиқарли рақамлар маълум бўлди.

Ҳафта рақамлари:

2 – Ўзининг Бундеслигадаги тарихида «Ҳерта» илк маротаба мавсумни кетма-кет иккита ғалаба билан бошлади.

11 – Бу тур жокерлар голларига бой тур бўлди. 2-турда урилган голларнинг 11 тасига ўйин бошланишида майдонда бўлмаган футболчилар муаллифлик қилишди.

17 – Берлинликлар ҳужумчиси Ведад Ибишевич илк маротаба «Инголштадт» дарвозасига гол киритди. Шу тариқа у Бундеслигадаги жорий 18 жамоанинг 17 тасига қарши гол уриб чиқди. Унинг рўйхатида ҳозирча фақат «Лайпциг» йўқ, холос.

30 – Бундеслигада шу вақтга қадар атиги 30 дақиқа тўп сурган финландиялик Йоэл Поҳянпало 4 голга муаллифлик қилди. Бу натижа билан Йоэл лига тарихидаги энг самарали футболчига айланди.