Бугун Ўзбекистон чемпионати Олий лигасида 22-тур ўйинлари давом этмоқда. Тошкентда ўзбек футболидаги энг қизиқарли «дерби»лардан бири бўлиб ўтди. Унда «Пахтакор» клуби «Бунёдкор»ни кичик ҳисобда мағлуб этди.
27-дақиқада Болтабоев ўнг қанотдан жарима майдонига ёриб кириб, тўпни Машариповга узатди ва Жалол яқин масофадан дарвозани ишғол қилди. Беллашув бошида Болтабоевнинг зарбасидан кейин тўп устундан қайтганди. Ҳисобни катталаштириш учун бир қатор имкониятларни юзага келтирган "Пахтакор" улардан фойдалана олмади. Машарипов ва Искандеровнинг хавфли уринишларини меҳмонлар бартараф этишди. 75-дақиқада ҳимоядаги хатодан фойдаланган Нурматов мувозанатни тиклади. 85-дақиқада Машарипов ва Искандеров ижросидаги ҳужум гол билан якунланди. Яқин бурчакка аниқ зарба йўллаган Жамшид ғалаба келтирган гол муаллифига айланди.Олий лига-2016, 22-тур
“ПАХТАКОР” – “БУНЁДКОР” 2:1 (1:0)
Голлар: Жалолиддин Машарипов 27 (1:0), Шаҳзодбек Нурматов 75 (1:1), Жамшид Искандеров 85 (2:1)
“Пахтакор”: 12.Александр Лобанов (С), 28.Станислав Андреев, 4.Аднан Ораховац, 24.Давронбек Ҳошимов, 5.Акбар Исматуллаев, 15.Жавоҳир Соҳибов, 14.Жамшид Болтабоев, 10.Жамшид Искандеров, 9.Жалолиддин Машарипов, 55.Жасур Ҳакимов (55.Андрей Сидоров 79)
Захира: 50.Умид Хамроев, 6.Аббос Отахонов, 17.Акобир Тўраев, 31.Жамшид Юсупов, 34.Хушнуд Авилов, 48.Темур Толипов
“Бунёдкор”: 25.Муроджон Зуҳуров, 2.Акмал Шораҳмедов (С), 3.Акрамжон Комилов, 8.Жовлон Иброҳимов (19.Забиҳилло Ўринбоев 90+1), 9.Сато Минори (23.Шоҳрух Гадоев 69), 10.Элдор Шомуродов (14.Баҳодир Насимов 59), 11.Шаҳзодбек Нурматов, 17.Достонбек Ҳамдамов, 22.Рустамжон Ашурматов, 29.Отабек Шукуров, 71.Александр Алемпиевич
Захира: 45.Акбар Тўраев 4.Хайрулла Каримов 16.Дилшодбек Аҳмадалиев 21.Сардорбек Азимов
Ҳакамлар: В.Агишев (Тошкент), Т.Галеев (Тошкент), А.Пўлатов (Тошкент), А.Шукуруллаев (Тошкент)
Назоратчи: И. Шарипов (Бухоро)
ЎзПФЛ вакили: А. Иноятов
17 сентябрь. Тошкент. “Пахтакор” марказий стадиони. 2230 томошабин
