“Обод” - “Навбаҳор” жамоалари ўртасидаги учрашув якунлангач ўтказилган матбуот анжуманининг  иккинчи қисмида "Обод" клуби директори Фарҳод Сафаров иштирок этди:

- Ўйин биз учун қийин ўтди, сабаби анчадан буён ғалаба нималигини билмай келаётгандик. Учрашув бошидаёқ Тимур Ҳакимов тўп киритгани йигитларга қўшимча ишонч бағишлади. Футболчилар танаффусда берилган кўрсатмаларни аъло даражада бажаришди. Бугунги ўйиндан қониқдик. Жаъфар Ирисметов ўйин бошланишига икки соат қолганида ҳам базада биз билан бирга эди. Афсуски, соғлиғи бироз ёмонлашгани боис унга жавоб бердик. Насиб қилса, кейинги ўйинларда у захира ўриндиғида бўлади. Ўйинчиларимизга ўзи бевосита кўрсатмалар бериб туради. Учрашувга ҳам жамоани Ирисметов тайёрлаган. Ҳозир жамоа бироз қийин ҳолатда, сабаби охирги ўрин бизни қониқтирмайди. Шунинг учун ҳам кўпроқ ҳужумга эътибор беришга ва гол уришга интилаяпмиз. Чиройли ўйин эмас, натижа тарихда қолади дейишади. Биз айни пайтда натижа кўрсатишимиз керак, бунга мажбурмиз.