Фарғона вилоятида 2003 йилда туғилган ўсмирлар ўртасида республика турнири старт олди.
Фарғонанинг Чимён қўрғонида бўлиб ўтаётган мусобақада Республиканинг барча минтақаларидан ташриф буюрган 11та жамоа иштирок этмоқда. Фақатгина, Қорақалпоғистон Республикаси, Қашқадарё ҳамда Сурхандарё вилоятидан жамоалар иштирок этмаяпти.
Мусобақа стартидан олдин мандат комиссияси иштирок этувчи жамоалар ва футболчиларни текширувдан ўтказди ва шундан сўнг мусобақа ўйинлари старт олди. Таъкидлаш лозим, 16-18 сентябрь кунлари мусобақанинг гуруҳ босқичи ўйинлари ўтказилди. Унга кўра турнирнинг A гуруҳида 4та жамоа, B гуруҳида 4та жамоа ва C гуруҳида 3та жамоа иштирок этган. Гуруҳ ўйинлари якунига кўра Фарғона, Навоий, Тошкент ҳамда Наманган жамоалари мусобақанинг ярим финалига йўлланма олишди. Турнирнинг ярим финал ўйинлари 19 сентябрь куни бўлиб ўтса, финал ўйини 20 сентябрь куни бўлиб ўтади.
