Google футбол мухлислари учун қизиқарли қулайлик яратди. «Birthplaces of UEFA Champions League Winners» (ЕЧЛ ғолибларининг туғилган жойлари – «Дарё» таржимаси) сўрови орқали қидирув тизими Европа Чемпионлар Лигасида ғолиб бўлган футболчиларнинг туғилган жойлари белгиланган харитага ўтади, деб хабар бермоқда Eurosport.
Қора нуқталар билан белгиланган геотегга сичқонча тугмаси босилганда футболчи ҳақида қисқача маълумот чиқади. Унда футболчининг исм-шарифи, амплуаси, ЕЧЛда ғолиб бўлган йили ва ғолибликка эришган клуби ҳақида маълумот берилади.
Маълумот учун, Европа Чемпионлар Лигасида ғолиб бўлган футболчилардан ҳеч қайси бири Антарктидада туғилмаган. Мазкур сервис 1993 йилдан буён ЕЧЛда ғолиб бўлган футболчилар ҳақида маълумот беради.
Хизматдан фойдаланиш учун ушбу ҳаволани босинг.
