Дунёнинг энг яхши таянч яримҳимоячиларидан бири, 43 ёшли Клод Макелеле УЕФА сайтига берган интервьюсида ўтмиш хотиралари билан ўртоқлашди.
«Ёшлигимда Пеле мени кумирим бўлган. Унга ўхшашга ҳаракат қилганман. Футболчи бўлиб етишганимдан кейин Мазиньо ва Валдога қарши ўйинларда қийналганман. Ҳозир Иньеста худди шуларга ўхшаб ўйнамоқда.
Ҳозирги кунда, мен ўйнаган нуқтада Н`Голо Канте ўзини кўрсатмоқда, бироқ у мендан ўзиб кетолмаса керак.
Зидан ва Роналдо билан жуда кўп марта бирга шуғулланганмиз. Айниқса Зидан машғулотдан сўнг қолиб, мен билан яккама-якка ўйнарди. У ўз маҳоратини ошириб боришга доим ҳаракат қилган.
Лекин мен «Реал»даги Иван Эльгера билан жуда яхши ўйнаганман. Биз бир-биримизни жуда яхши тушунардик. Майдонда эса бир қарашдаёқ нима қилиш кераклигини англаб олардик» - деди Макелеле.
