«Интер» вице-президенти Хавьер Дзанетти «Ювентус» (2:1) клубига қарши ўйин заявкасидан чиқариб ташланган Марцело Брозович билан боғлиқ вазиятга изоҳ берди.

«Марцело Европа лигасидаги «Хапоэль» (0:2) клубига қарши ўйинда бизга нисбатан ҳурматсизлик қилди. Бош мураббий уни алмаштирган вазиятда норозилик билдирди ва стадионни тарк этмоқчи эди. Шунинг учун ҳам уни жазолашга қарор қилдик ва «Ювентус»га қарши ўйинда майдонга туширмадик.

Ҳар бир футболчи клубни ва жамоадошларини ҳурмат қилиши керак. Брозович биз билан қолишни истаса, шу қоидага бўйсуниши шарт» - деди Дзанетти.