Рио—2016 Паралимпиадасидаги иштирокини 16-ўринда якунлаган Ўзбекистон делегацияси 21 сентябрь куни Тошкент халқаро аэропортига етиб келади.

Бу ҳақда маълум қилган Миллий Олимпия Қўмитаси матбуот хизмати, ўзбекистонлик спортчилар жой олган самолёт тонгги 06:00 да Тошкентга қўнишини билдирди. 32 нафар спортчи билан иштирок этиб, 31 та медални қўлга киритган Ўзбекистон делегацияси олимпиячилар каби катта тантана билан кутиб олинади.

Қайд этиш керак, Ўзбекистон делегацияси 8 та олтин, 6 та кумуш ва 17 та бронза билан умумжамоа ҳисобида 16-ўринни эгаллади.