Россиялик тай боксчи ва модель Анастасия Янькова ўзи билан ҳамкорлик қиладиган Беллатор ташкил қилган жангда америкалик Вета Артеагани мағлуб этишга муваффақ бўлди.
Бу моделнинг аралаш жанглар санъатидаги иккинчи жангидаги иккинчи ғалабаси бўлди, деб ёзди Eurosport. Шу йилнинг 17 апрелида Янькова Туринга ташриф буюриб, бошқа бир америкалик спортчи Анжела Пинкни мағлуб этганди.
Жангдан кейин модель ўз суратини Instagram саҳифасига жойлаштириб, унга «Бу MMA, болакай», — деб изоҳ қолдирди ва 2 кунда 30 мингдан зиёд лайк тўплади.
Анастасия Янькова 1991 йилнинг 1 мартида Москвада дунёга келган. У тай бокс бўйича Россия чемпиони бўлиб, спорт усталигига номзод саналади.
