«Барселона» бош мураббийи Луис Энрике Испания чемпионати 5-тури доирасидаги «Атлетико»га қарши ўйин олдидан ўз фикрлари билан ўртоқлашди.
«Биз кўп хато қилишга ҳаққимиз йўқ. «Атлетико» кўплаб совринларга даъвогар ҳисобланган клуб», — деди Луис Энрике.
«Агар «Атлетико»ни мағлуб этишни истасак, юзага келтирадиган қулай вазиятларимизни голга айлантиришимиз керак. Бу қизиқарли ўйин бўлади», — деди «Барса» устози.
«Мадридликлар ерда тўп узатишга асосланиб ўйнайди, деб ўйламайман. Улар бизни узун узатмалар билан қопқонга туширишга ҳаракат қилади», — деди Луис Энрике.
«Неймарнинг ўзига хос ўйин услуби бор, биз унинг Барселонадаги ҳаракатларидан завқ олаяпмиз. Бускетс эса алмаштириб бўлмас ўйинчи — у мураббийнинг майдондаги вакили», — деди «Барселона» бош мураббийи.
