«Ман Сити» яримҳимоячиси Яя Туренинг агенти Дмитрий Селюк Хосеп Гвардиоланинг гапига жавоб берди. Бош мураббий ундан узр сўрашни талаб қилганди.

«Гвардиола мендан узр сўрашимни кутмоқдами? Хомтама бўмасин. Биринчидан, хоҳлаган гапимни гапираман. Иккинчидан, қачон гапиришим ва кимдан узр сўрашимни Гвардиола ҳал қилмайди.

Хўш нима учун узр сўрашим керак? Агар у чемпион бўлса, қарсак чаламан, агар бўлолмаса Туре ва Хартдан узр сўраши керак деганман. Шу гапим учун узр сўрашим керакми?

Гвардиола Мануэль Пеллегрини, Харт ва Туредан узр сўраши керак. У Пеллегринини орқасида ўйин қилган, ундан узр сўраши керак. Англияда жентлменлик анъаналари ўлмаган бўлса, бошқа мураббийлар Гвардиолани қўлини сиқиб қўйишдан бош тортиши керак. Гвардиола ким бўптики, ундан узр сўрасам. Супермураббийми? Уни жуда яхши биламан, ишонаверинг. У супермураббий эмас» - деди Селюк.