«Челси» бош мураббийи Антонио Конте Англия Лига Кубогида «Лестер» устидан қозонилган ғалаба (4:2)дан сўнг жамоа ярим ҳимоячиси Франсеск Фабрегасни эътироф этиб ўтди.
«Сеск — «Челси» футболчиси ва мен унинг фаолияти ҳамда машғулотларга ёндашишидан қониқиш ҳосил қиляпман. Менимча, у жуда кўп жиҳатдан, биринчи галда, ҳимоядаги ўйин борасида ўсишга эришмоқда», — деди Конте.
«Мен қўл остимдаги футболчилар билан ҳар доим очиқ-ойдин бўлганман — ким ўйинга тайёр бўлса, ўшани таркибга қўшганман», — деди «Челси» бош мураббийи.
«Таркибимдаги барча футболчилар «Арсенал»га қарши ўйинда майдонга тушиш имконига эга. Ўйингача ҳали уч кун бор ва машғулотлар давомида ҳар ким мени ўзининг энг яхши эканига кўндириши мумкин», — деди Конте.
«Футболчиларим соғлом рақобатни юзага келтиришларини ва менга ўйиндан ўйинга энг кучли таркибни майдонга тушириш учун имконият беришларини истайман», — дея қўшимча қилди «Челси» бош мураббийи.
