«Зенит» футболчиси Андрей Аршавинни «Арсенал» клубига трансфер қилиниши билан шуғулланган собиқ футбол агенти Жон Смит бу борада ўз фикрларини баён қилди.

«The Deal» деб номланган китобида у трансфер билан боғлиқ ишларга ойдинлик киритди.

«Арсенал» футболчи учун 7,5 миллион фунт тўламоқчи бўлган ва бу ҳақда келишиб олган. Бироқ «Газпром» компаниясининг хўжайинларидан бири ҳисобланмиш Владимир Путин бу ишга аралашиб, нархни 15 миллион фунтга оширилишини талаб қилган. Арсен Венгер воқеага аралашиб, трансфер борасида келишмоқчи бўлган, лекин унга «Газпром» раҳбарияти билан боғланиш учун имконият берилмаган.

3 ой давом этган музокаралар муваффақиятли якунланмагач, тадбиркор Алишер Усмоновнинг аралашувидан сўнг трансфер амалга оширилган, деб хабар бермоқда Independent.