Дортмунд «Боруссия»си ҳужумчиси Пьер-Эмерик Обамеянг «Вольфсбург»га қарши Германия чемпионати 4-тур учрашувида дублга эришганидан хурсанд эканини маълум қилди.
Ҳужумчининг фикрича, ҳозирги вақтда ҳеч бир клуб «Боруссия» тўхтатиб қола олмайди.
«Урган икки голимдан хурсанд эканим тушунарли ҳол. «Боруссия» ҳам хотиржам бўлиши мумкин, чунки биз яна яхши ўйин кўрсатдик», — деди Обамеянг.
«Тўғри, иккинчи тайм бошида бизда баъзи муаммолар кузатилди. Лекин уларни ҳал қила олдик», — деди «Боруссия» ҳужумчиси.
«Ҳозир ҳеч ким «Боруссия»ни тўхтата олмайди. Бироқ биз эришган натижамизда тўхтаб қолмаслигимиз керак», — дея қўшимча қилди Обамеянг.
