«Лестер» бош мураббийи Клаудио Раньери жамоа ҳимоячиси Дэнни Дринкуотерга «Манчестер Юнайтед» қизиқиш билдираётгани ҳақидаги хабарларни рад этди. 

«Ҳайратдаман. Одатда бу каби миш-мишлар трансфер ойнаси очилишига камида бир ой қолганида тарқаларди. Катта жамоалар бизнинг футболчиларга қизиқаётгани яхши. Бир йил аввал «Лестер» футболчилари ҳеч кимга керак эмасди», — деди Раньери. 

«Дэнни биз билан янги шартнома имзолаган. Унинг шартномасида товон пуллари ҳақида банд йўқ. Агар у «МЮ»га кетишни истаса — яхши, бироқ биз уни ўзимизда сақлаб қолишга ҳаракат қиламиз», — деди мураббий.