«Барселона» клубининг собиқ президенти Жоан Гаспар бразилиялик ҳужумчи Роналдони қандай қилиб қўлга киритганини гапириб берди.
«Биз ПСВ билан келишиб олдик, аммо бир нозик жиҳат бор эди. 15 июлгача футболчини розилигини олиш шарт эди, акс ҳолда битим ўз кучини йўқотарди.
ПСВ эса футболчини йўқотишни истамади ва Бразилия футбол федерациясидан у билан учрашишимга тўсқинлик қилишни илтимос қилди.
Футболчи яшаётган меҳмонхонага борганимда икки қўриқчи мени Роналдо олдига киритмади. Шундан сўнг пастга тушиб, официант либосини кийдим ва патнисга кока-колани қўйиб, юқорига чиқдим. Роналдо буюртма берганини айтганимдан сўнг мени киритиб юборишди» - деди Гаспар Goal хабарида.
Эслатиб ўтамиз, Роналдо «Барселона» сафида фақат бир мавсум ўйнади холос – 1996/97.
