«ПСЖ» бош мураббийи Унаи Эмери Франция чемпионатида «Тулуза»га қарши ўйиндаги мағлубиятдан сўнг ўз фикрларини билдириб ўтди.
Эслатиб ўтамиз, ўйинда бир киши кам бўлиб қолган «ПСЖ» «Тулуза»га 0:2 ҳисобида имкониятни бой берди.
«Ўтказиб юборилган гол ва четлатишдан сўнг ўйиннинг бориши ўзгариб кетди. Бу икки ҳолат бугунги ўйиннинг ҳал қилувчи палласи бўлди. Вазиятдан чиқиб кетиш биз учун жуда оғир бўлди», - деди Эмери.
«Мен жамоа янада яхшироқ бўлиши учун кўп меҳнат қиляпман. Бироқ бу узоқ ва машаққатли йўл, «ПСЖ»дагилар эса мағлубиятларга кўникмаган», -деди испаниялик мутахассис.
«Менда ҳали умидлар катта, чемпионат 38 турдан иборат, унинг атиги еттитаси ортда қолди, холос. Орье эса ўз хатоларидан хулоса чиқаришни ўрганиши керак, у ҳали ёш», - дея қўшимча қилди «ПСЖ» устози.
