«Севилья» бош мураббийи Хорхе Сампаолининг фикрича, ФИФА терма жамоаларнинг халқаро ўйинлари сабаб чемпионатларда бўладиган танаффуслар билан боғлиқ қоидаларни ўзгартириши керак.
«Ўйлашимча, энг яхши ўйинчиларга нисбатан ёмон муносабатда бўлишмоқда. Масалан, Месси кабилар билан. Улар Жанубий Америкага учишлари, икки кундан кейин эса ўйинда майдонга тушишлари керак», - деди мураббий.
«Бу энг яхши ўйинчиларга нисбатан номақбул ҳолат. Футболчиларни ҳимоя қилиш мақсадида мазкур масалани қайта кўриб чиқиш зарур», -деяқўшимча қилди «Севилья» бош мураббийи Хорхе Сампаоли.
