«Арсенал» бош мураббийи Арсен Венгер «Челси» ҳужумчиси Диего Костани ўз жамоасида кўришни исташини тан олди.
Эслатиб ўтамиз, ўтган мавсум «Арсенал» майдонида бўлиб ўтган ўйинда Костанинг голи «Челси»га ғалаба келтирган эди.
«Ўша вақтларда у «Атлетико»дан кетиши мумкинлигини хаёлимга ҳам келтирмаган эдим, шунинг учун унинг трансферидан ҳайрон қолганман», -деди Венгер.
«Агар трансфер қилиш мумкинлигини билганимда, фаолроқ ҳаракат қилган бўлармидим? Ҳа. У менга ёқади. Диего – яхши ҳужумчи», - деди Венгер.
«Ҳар қандай мураббий ўз жамоасида тўлиқ куч билан ўйнайдиган футболчиларни кўришни истайди. Коста ҳақиқий жангчи ва айнан шунинг учун сиз уни ҳурмат қиласиз. Қолгани ҳакамларга ҳавола», -деди Венгер.
