Футбол бўйича Ўзбекистон Олий Лигасида 23-тур беллашувларига якун ясалди. Мамлакатнинг амалдаги чемпиони «Пахтакор» сафарда «Навбаҳор»ни йирик ҳисобда мағлуб этди.

Биринчи даврада Тошкентда жавобсиз 3 та гол ўтказган Наманган клуби, ўз майдонида 1:5 ҳисобида мағлуб бўлди.

Ўзбекистон миллий терма жамоаси сардори Одил Аҳмедовнинг укаси Азим Аҳмедов «Пахтакор» либосини кийганидан буён илк голини ўзининг собиқ жамоаси «Навбаҳор» дарвозасига урди. Қайд этиш керак, Азим Аҳмедовнинг ўзи ҳам миллий терма жамоа аъзоси ҳисобланади.

Ўзбекистон Олий Лигаси. 23-тур

«Навбаҳор» — «Пахтакор» 1:5

Голлар: Жавоҳир Соҳибов, 28 (0:1). Азим Аҳмедов 53, (0:2). Жасур Ҳакимов, 62 (0:3). Жамшид Искандаров, 77 (0:4). Жавоҳир Соҳибов, 86 (0:5). Шоҳжаҳон Аббосов, 90+2 (1:5).