«Гамбург» жамоа бош мураббийи лавозимига Маркус Гисдол тайинланганини эълон қилди. 47 ёшли мутахассис билан 2017 йилнинг 30 июнига қадар шартнома имзоланди.
Гисдолнинг сўнгги иш жойи «Хоффенхайм» клуби бўлганди. У мазкур жамоани 2015 йилнинг октябрь ойида тарк этганди.
«Гамбург» кеча мураббий Бруно Лаббадияни истеъфога чиқарганди. Жамоа янги мавсумни ўта муваффақиятсиз бошлагани учун клуб раҳбарияти шундай қарорга келганди. Гамбургликлар Бундеслиганинг дастлабки 5та баҳсида 1 очко жамғарди, холос. Бош мураббий лавозими эса кўп вақтга бўш қолмади.