«Манчестер Сити» бош мураббийи Хосеп Гвардиола Англия чемпионатининг старти борасида ўз фикрлари билан ўртоқлашди.

«Бизнинг давримизда мураббийларнинг меҳнатини ҳурмат қилишмайди. Илк мағлубиятдан кейиноқ ушбу мутахассис ҳақида турли гап-сўзлар тарқалади. Уни парча-парча қилиб ташлашади. Ҳамиша ҳам ғалаба қозониш мумкин эмаслигини одамлар тушуниши керак. Мағлубиятга учраш ҳам керак. Мағлубият — ривожланишнинг мажбурий шарти.

Бу фикр футболчиларга ҳам тегишли. Айниқса, ижтимоий тармоқлар уларга таъсир қилади. Улар бизнинг меҳримизни ҳис қилишлари учун ҳаракат қиламиз.

Стерлинг жамоадошларининг қўллаб-қувватлашини ҳис қиляпти. Ўйинчилар унинг хатти-ҳаракатларини қадрлашади. Раҳимнинг ҳозирги спорт формаси мураббийлар штабини қониқтирмоқда, лекин ҳозир бор-йўғи сентябрь. Ҳозир май бўлишини ва чемпионат тугаши учун битта ўйин қолган бўлишини истардим, лекин эндигина 6та ўйин ортда қолди. Олдинда бизни кўплаб оғир ўйинлар кутиб турибди», – дейди Гвардиола.

«Манчестер Сити» Гвардиола қўлостида 10та расмий ўйинда 10та ғалабани қўлга киритди ҳамда АПЛ жадвалида карвонбошилик қилмоқда.