«Лестер» ўз ярим ҳимоячиси Дэнни Дринкуотер билан хайрлашишга тайёр, дея хабар бермоқда Sunday People.
Футболчига энг асосий даъвогар «Манчестер Юнайтед» бўлиб турибди. «Қизил иблислар» Поль Погбани қора ишдан қутқариш мақсадида, таянч ярим ҳимоячисига эҳтиёж сезмоқда.
Дринкуотернинг ўрнига Англиянинг амалдаги чемпионлари Морган Шнайдерлинни олмоқчи — «МЮ»нинг амалдаги бош мураббийи Жозе Моуринью уни таркибга киритмаяпти.
Дринкуотер жорий мавсумда олти учрашувда майдонга тушиб, битта самарали тўп узатишни амалга оширди. Шнайдерлин эса фақат август ойида «Борнмут»га қарши ўйинда 5 дақиқа ўйнади, холос.
