«Вольфсбург» ярим ҳимоячиси Юлиан Дракслер ёзда «бўрилар» сафини тарк этиш ниятида бўлганини тан олди.
Эслатиб ўтамиз, Германия миллий терма жамоаси аъзосининг хизматларига «Арсенал», «ПСЖ» клублари қизиқиш билдирган эди.
«Мен ҳозир бор эътиборимни мавсумга ва «Вольфсбург»нинг олдига қўйилган вазифаларни бажаришга қаратганман», — деди футболчи.
«Клуб ўз нуқтаи назарини аниқ ва равшан ифода этди. Эҳтимол, қишда яна мен ҳақимда турли миш-мишлар пайдо бўлар, бироқ улар мендан тарқамайди», — деди Дракслер.
«Ҳа, клуб билан келажагим борасидаги қарашларимиз бир-биридан фарқ қилаётган эди. Бироқ энди буларнинг бари ўтмишда қолди», — деди ярим ҳимоячи.
«Ёзда менда «Вольфсбург»ни тарк этиш имконияти бўлмаган эди. Мен ҳақимдаги баъзи бир гаплар рост, бошқалари эса ёлғон эди», — дея қўшимча қилди Дракслер.
