Ўзингизга маълум, Рўзиқул Бердиев “Насаф” жамоасини 2012 йилдан бери бошқариб келади.
Жамоа ушбу мутахасис қўли остида ўз тарихида эришмаган ютуқларни ҳам қўлга киритди. Бу йилги футбол мавсумида ҳам Бердиев “Насаф”ни ана шундай мақсадлар сари етакламоқда.
Табиатан камтар ва камсуқум, меҳнаткаш, ўз ишига фидойи инсон, мамлакатимиз футбол ишқибозларига “Насаф” иштирокидаги мазмунли ўйинлар орқали танилди.
Ҳар қандай футболдаги ноҳақлик ёки кўзбуямачиликка тоқати бўлмаган бу мураббий фақат тоза футбол тарафдори эканлигини кўрсатди. Унинг бу хислати кўплаб футбол ишқибозларини ҳурматига сазовор қилди.
Бердиев ҳақидаги кўплаб хорижий мураббийларнинг ҳам ижобий фикрларини ҳам эшитдик.
Бердиевнинг шундай ютуқлари борки, унчалик кўзга ташланмасада, аммо алоҳида эътирофга лойиқ. Бунга мисол тариқасида, унинг қўл остидаги жамоанинг ҳанузгача “Қизилқум” жамоасига ҳоҳ Навоийда бўлсин, ҳоҳ Қаршида бўлсин мағлубиятга учрамаганлигидир. Кеча бўлиб ўтган учрашувда ҳам бу анъана давом эттирилди.
Эътиборингизга Рўзиқул Бердиев бош мураббийлигидаги “Насаф”нинг “Қизилқум” жамоаси билан ўтказган учрашувларининг натижаларини ҳавола қиламиз.
07.05. 2012 йил. 7-тур
“Насаф” – “Қизилқум” 2:0
29.06.2013 йил. 13-тур
“Насаф” – “Қизилқум” 7:1
10.08.2013 йил. 15-тур
“Қизилқум” – “Насаф” 0:1
06.06.2014 йил. 11-тур
“Қизилқум” – “Насаф” 1:1
25.10.2014 йил. 24-тур
“Насаф” – “Қизилқум” 2:0
16.04.2015 йил. 5-тур
“Насаф” – “Қизилқум” 3:1
26.08.2015 йил. 20-тур
“Қизилқум” – “Насаф” 1:2
07.05.2016 йил. 8-тур
“Насаф” – “Қизилқум” 2:0
25.09.2016 йил. 23-тур
“Қизилқум” – “Насаф” 3:3
Сўзимиз сўнггида Бердиевнинг фаолиятига зафарлар тилаб қоламиз.
