Халқаро олимпия қўмитаси (ХОҚ) президенти Томас Бах ва қочоқлар олимпия жамоаси аъзолари Инсон ҳуқуқлари бўйича БМТ кенгаши мажлисида қатнашди, деб ёзади «ТАСС».
Бах терма жамоанинг 2016 йилги Олимпиададаги иштирокининг аҳамиятини қайд этди. «Қочоқлар термасининг Рио-де-Жанейродаги Ўйинлардаги иштироки дунёга ҳозирги инқироз нуқтаи назаридан қочоқлар ва муҳожирлар ҳақида ўйлаб кўриш имкониятини берди», — деди ХОҚ раҳбари.
«Қочоқлар олимпия термасининг яратилиши бизга орзуларимиз рўёби учун умид берди, имконият берди», — деди терма жамоага байроқдорлик қилган Роуз Локоньен.
2016 йилги Олимпия ўйинларида қочоқлар жамоасидан ўн нафар спортчи қатнашди.
