Англия футбол ассоциацияси мамлакат миллий терма жамоаси бош мураббийи ўрнига номзодлар излашга киришди.
Sky Sports ахборотига кўра, айни вақтда Бундеслига дебютанти ҳисобланган «РБ Лейпциг» клуби спорт директори ҳисобланган Ральф Рангник билан музокаралар олиб бориш ниятида.
Рангник аввал «Шальке», «Хоффенхайм» ва «Ганновер» клубларида ишлаган. У гельзенкирхенликлар билан бирга фаолиятидаги энг яхши натижани қайд этган: Германия вице-чемпиони бўлган ва Чемпионлар Лигасида ярим финалга қадар етиб борган.
58 ёшли мутахассис Бельгия миллий терма жамоаси бош мураббийлигига номзодлар қаторида ҳам бор эди.
