«Селтик» бош мураббийи Брендан Рожерс Шотландия клубининг Англия лигалари тизимига ўтиши эҳтимоли ҳақида фикр билдирди. 

«Агар «Селтик» Англияда бўлганида эди, жамоа кучли тўртлик ёки кучли олтиликдан жой олган бўларди, бунга шубҳа қилмасангиз ҳам бўлади. Тасаввур қилинг, Англиядаги ресурслар «Селтик» бошқарувига жалб этилса нималар бўлиб кетади. «Селтик» ўзи хоҳлаган ўринда бўларди», — деди Рожерс. 

«Селтик» жуда муҳим аҳамиятга эга бўлгани сабаб, унинг Англия футболи эҳромидан ўрин олиши жуда мураккаб ҳолат. Клубнинг ўз тарихи, ишқибозлари, стадиони бор ва бошқа лигага ўтиш истиқболи бир вақтнинг ўзида ҳам жозибали, ҳам қўрқинчли кўринади», — деди Рожерс. 

«АПЛ ёки чемпионшипдаги бирор клубга ўз ўрнини «Селтик»га бўшатиб бериш маъқул келган бўлармиди? Ундай деб ўйламайман. Шундай экан, бу жуда қийин ҳолат», — деди «Селтик» бош мураббийи.