Украина терма жамоаси бош мураббийи Андрей Шевченко «Милан» клубида ўйнаган пайтидаги хотиралари билан ўртоқлашди.
«Милан»даги жамоадошларим Украинадан ниманидир олиб келишни буюрганмиди? Ҳа, сало! Бу жуда қизиқ.
«Милан»га келганимда ўзим билан сало олиб борганман. Шунда жамоадошларим уни наркотик модда деб қўрқиб кетишган. Италияда салони умуман билишмас экан. Бир бўлак кесиб олиб, Мальдинига таклиф қилганимда уни рад қилгани эсимда. Кейин ўзим уни нонга қўшиб чайнай бошладим, ҳаммани оғзи ланг очилиб қолди (кулади).
Кейинчалик бу ишимдан афсусланганман. Чунки ҳар гал Украинага келганимда бир сумка тўла сало олиб кетишимга тўғри келган. Буюртмаларни кети узилмаган» - деди Шевченко.
