Бугун Олий лиганинг 24-турида Қўқонда навбатдаги "водий дербиси" бўлиб ўтади.

Бугун, 16:00
«Қўқон-1912» - «Навбаҳор»
Ҳакамлар: В. Агишев (Тошкент), Р. Нуғманов (Тошкент), С. Еремеев (Тошкент), Д. Жалимов (Нукус)
Назоратчи: С. Нажафалиев (Тошкент).
ЎзПФЛ вакили: А. Фролов.

“Қўқон-1912” ҳамда “Навбаҳор” клублари олий лигада шу кунгача21 бор куч синашишган. 4 та учрашувда “Қўқон-1912”нинг қўли баланд келган. “Навбаҳор” 15 та ўйинда ғалаба қозонган. 2 та ўйинда дуранг қайд этилган. Тўплар нисбатида устунлик “лочинлар” томонида: 48:23. “Навбаҳор” ўзаро ўйинларда 47 очкога эга бўлган, “Қўқон-1912” эса 14 очкони қўлга киритган.

Дастлабки даврада Наманганда бўлиб ўтган учрашувда "Навбаҳор" 5:1 ҳисобида зафар қучганди. Умуман олганда, жорий йилнинг ўзида мазкур жамоалар бугун тўртинчи марта учрашишади. Ўзбекистон Кубоги доирасидаги учрашувларда Қўқонда дуранг қайд этилган бўлса, Наманганда "Қўқон-1912" ғалаба қозонганди.

“Қўқон-1912” майдонида бўлиб ўтган сўнгги беш учрашув:
31.05.2015 «Қўқон-1912» – «Навбаҳор» 0:1
23.08.2003 «Қўқон-1912» – «Навбаҳор» 1:2
09.11.2002 «Қўқон-1912» – «Навбаҳор» 1:0
22.06.2000 «Қўқон-1912» – «Навбаҳор» 1:4
28.03.1999 «Қўқон-1912» – «Навбаҳор» 3:2

Ўзаро ўйинлар ҳақида факт: “Қўқон-1912” ўз майдонида ўтказган 10 та ўйиннинг тўрттасида ғолиб чиққан. Иккита беллашувда томонлар очколарни бўлиб олишган. Қолган 4 та учрашувда “Навбаҳор” сафарда уч очкони ўзиники қилган.