«Реал» ярим ҳимоячиси Гарет Бэйл жамоасининг Испания чемпионати ва Европа чемпионлар лигасидаги ғолиб чиқиш учун имкониятлари ҳақида гапириб ўтди.

Примера ҳақида
«Реал» барқарор ўйин намойиш қилиши керак. Ўтган йили мавсум сўнгини жуда зўр ўтказдик, аммо ғолибликни қўлга киритиш учун мавсум бошида ва ўртасида ҳам яхши ўйнашимимиз керак. Чемпионатда энг барқарор жамоа ғолиб чиқади. Ўтган йили бунга жуда яқин эдик, аммо нимадир етишмай қолди. Бироқ ҳаммамиз астойдил меҳнат қилмоқдамиз. Умид қиламанки, мавсум якунида бу совринни қўлга киритамиз».

Кардиффда бўладиган финал ҳақида
Ҳа, финалнинг Кардиффда ўтказилиши мен учун қўшимча мотивация бўлади. Бироқ усиз ҳам Чемпионлар лигасида яна бир марта ғолиб чиқиш учун иштиёқим юқори.

Биз кетма-кет икки марта Чемпионлар лигасини қўлга киритган илк жамоа бўлишимиз мумкин. Шу боис, бизнинг мақсадимиз — мусобақада ғолиб чиқиш. Буни жонажон шаҳримда амалга оширсам зўр бўларди.