Олий лига 24-туридан жой олган "Андижон" - "Қизилқум" жамоалари (1:2) учрашуви якунлангач, матбуот анжуманида биринчи бўлиб меҳмонлар бош менежери Ҳамиджон Актамов қатнашди.
— Аввало бугун барча мураббий ва устозларни касб байрамлари билан табриклайман, — дея сўз бошлади Ҳамиджон Ғуломович. — Афсуски, бугун мухлислар чиройли футболга гувоҳ бўлишмади. Аксинча, ўйин кўпроқ Гладиаторлар жангига ўхшади. Нега футболчилар бир бирини оёғига тепиб ўйнашганига тушунмадим. Ўйинчилар тўп қолиб рақибни тепиб ётибди! Бу мавсумда бундай ўйинни умуман кўрмагандим. Нега футболчиларга рақибни эмас тўпни тепинглар деб кўрсатма беришмайди?
Ҳакамларга эътирозим йўқ, улар профессионал тарзда ишлашди.
Рақиб футболчиси бизнинг ўйинчига бир мушт уриб йиқитди...Ўша вазиятда унга қизил карточка кўрсатиш керак эди. Шунга бироз жаҳлим чиқди. Бугунги ўйинга кўрсатма майдонга тушиб чиройли ўйин кўрсатиш эди. Жасур Ҳасанов жамоамизни кучайтирди, у ҳар бир ўйинда бор кучи билан ўйнамоқда.
Фурсатдан фойдаланиб, ўз мухлисларимизни ғалаба билан табриклайман. Сафарда ғалаба қозониш ёқимли, албатта.
