Словакия терма жамоаси яримҳимоячиси Владимир Вайсс Братислава шаҳрида полиция томонидан ҳибсга олинган.
Daily Record хабарига кўра, уни йўл патрул хизмати ходимлари тўхтатиб, қонида алкогол миқдорини аниқлаш борасида тест ўтказишни таклиф қилишган. Вайсс эса бундан бош тортган. Натижада футболчи полиция маҳкамасига олиб кетилган.
Словакия терма жамоасининг бош мураббийи Ян Козак бу воқеадан хавотирда эканини билдириб, Вайсс билан боғлана олмаётганини маълум қилди.
Словакия терма жамоаси ЖЧ-2018 саралаш мусобақаси доирасида 8 октябрь куни Словения, 11 котябрь куни Шотландия билан ўйнаши лозим.
