«Зенит» клубининг собиқ бош мураббийи Андре Виллаш-Боаш Жозе Моуриньо ҳақида гапириб берди. Мутахассис у билан «Порту», «Челси» ва «Интер» клубларида бирга ишлаган эди.
«Моуриньо билан ҳамкорлик сени юқори савияга олиб чиқади. Унга маҳлиё бўлиб, яхши кўриб қоласан. Мен унга ўхшашни истаганман. Бироқ орамизда келишмовчилик юзага келиб, йўлларимиз ажралди.
«Челси» клубидаги тажрибам яхши чиқмади. Чунки ҳаммасига бирдан ва бир вақтнинг ўзида эришишни истаб қолгандим. «Тоттенхэм»да бироз босилдим ва қарорларни обдон ўйлаб қабул қиладиган бўлдим» - деди Виллаш-Боаш Express хабарида.
