«Реал» 2016 йил ёзида «Барселона»га тегишли бўлган 2 нафар футболчини қўлга киритишга уриниб кўрган.
Mundo Deportivo хабарига кўра, мадридликлар Неймар ва Иван Ракитич билан шартнома тузишга ҳаракат қилган, бироқ рад жавобини олган.
Хорватиялик яримҳимоячи уларнинг қўнғироғига «Йўқ, раҳмат» деб жавоб берган ва ҳатто музокараларни бошламаган.
Эслатиб ўтамиз, «Реал» Ракитични 2014 йилда ҳам қўлга киритмоқчи эди, бироқ у «Барселона»да ўйнашни маъқул топганди.