Қозоғистонлик журналист Петр Воликов «Қайрат» футболчиси Андрей Аршавинга ўзини сочини қиртишлайдиган жой ва вақтини маълум қилди.
Гап шундаки, Аршавин «Қайрат» клубига ўтганида, Воликов уни қари экани ва Қозоғистонда ҳеч нарсага эришолмаслиги ҳақида ёзганди. Бундан ташқари у Аршавин билан баҳс бойлаб, агар у 8та гол ура олса, сочини қиртишлаб олдиришини эълон қилганди.
Сентябрь ойида Аршавин «Қайрат» таркибида 8-голини урди ва журналистга ваъдасини эслатиб, «сочингни ўзим қиртишлаб оламан» деди.
Шундан сўнг Воликов Аршавинга: «6 октябрь куни соат 14:00да сизни «Астана» майдонида кутаман» - деб видеомурожаат қилди.
