Ўзбекистон терма жамоаси эртага ЖЧ-2018 саралашининг 3-тури доирисида Тошкентда Эронни қабул қилади. ОФК расмий терма жамоаларнинг тахминий таркибларини эълон қилди.

Сўнгги ўйинларда Самвел Бабаян асосий таркибни ўзгаришсиз қолдираётганини ОФК ҳам сезган. Фақат жароҳатланган таянч зонасида Одил Аҳмедовнинг ўрнига Отабек Шукуровнинг тушиши тахмин қилинган.

Демак, дарвозада Александр Лобанов. Ҳимоя чизиғи (ўнгдан чапга) — Ислом Тўхтахўжаев, Анзур Исмоилов, Егор Кримец, Виталий Денисов. Таянч ярим ҳимоясида Азиз Ҳайдаров ва Отабек Шукуров, қанотларда Сардор Рашидов ва Элдор Шомуродов ҳаракат қилса, ҳужум ортида Сервер Жепаров ўйнайди. Ёлғиз ҳужумчи — Игорь Сергеев.

Эрон таркиби эса қуйидагича кўриниш олиши тахмин қилинган (4-5-1):

Дарвозабон — Алиризо Ҳақиқий

Ҳимоячилар (ўнгдан чапга) — Рамин Ризоийян, Муртазо Пуралиганжий, Жалол Ҳуссайний, Милод Муҳаммадий;

Ярим ҳимоячилари (ўнгдан чапга) — Алиризо Жаҳонбахш, Саид Иззатуллоҳий, Ашкан Дежага, Андраник Теймурян, Воҳид Аминий;

Ҳужумчи — Сардор Азмун