Чеченистон пойтахти Грозний шаҳрида 4 октябрь куни ўтказилган ёш болалар иштирокидаги Grand Prix Akhmat 2016 аралаш жанглар турнирида республика раҳбари Рамзан Қодировнинг уч ўғли иштирок этди, деб хабар бермоқда TJournal.
Хабарда таъкидланишича, 10 ёшли Аҳмад, 9 ёшли Зелимхон ва 8 яшар Адам кўргазмали жангларда ғалаба қозонди.
Россия аралаш жанглар санъати (MMA) иттифоқи раҳбари ҳамда собиқ жангчи Фёдор Емеляненко ёш болалар иштирокидаги жангларни кескин танқид қилди.
«Грознийда бўлиб ўтган бундай ҳолатга йўл қўймаслик керак. Буни ҳеч қанақасига оқлаб бўлмайди», – деди Емеляненко.
