«Эвертон» ва Эквадор терма жамоасининг яримҳимоячиси Эннер Валенсия ЖЧ-2018 саралашидан ўрин олган Чили терма жамоасига қарши ўйинда томоша кўрсатди.

Алимент тўламасликда айбланаётган 26 ёшли футболчини ўйиндан сўнг полиция ҳибсга олмоқчи эди. Бироқ Валенсия 80-дақиқада муғомбирлик қилди ва ўзини жароҳат олганга солиб, тез ёрдам машинасида стадиондан қочиб қолмоқчи бўлди.

Аммо полиция уни кийиниш хонасида қўлга туширди. Шундан сўнг Эквадор терма жамоаси мураббийлари полицияни уни қўйиб юборишга кўндиришди. Футболчининг адвокати эса ҳибсга олиш ҳақидаги ордерни бекор қилинишига эришди.